Bitcoin ka arritur në 60,000 dollarë për herë të parë që nga nëntori 2021 – duke e vendosur kriptomonedhën afër një rekordi të ri.

Një Bitcoin kushtoi 60,650 dollarë në një moment herët të mërkurën pasdite, pas ditësh rritjesh të mëdha, raporton CNN, transmeton Klankosova.tv.

Ishte afër nivelit më të lartë të të gjitha kohërave prej 67,707 dollarësh të regjistruar më 9 nëntor 2021, kur shumë njerëz iu drejtuan asetit digjital në pandemi.

Pas një kolapsi të çmimit në fund të vitit 2022, ai ka dëshmuar një ringjallje – kryesisht për shkak të produkteve të reja në ShBA që lejojnë njerëzit të gjurmojnë vlerën e Bitcoin pa e zotëruar atë, diçka e njohur si një fond i tregtuar në këmbimi (ETF).

Bitcoin është rritur me 42% që nga fillimi i vitit 2024 dhe 20% që nga e shtuna. Rritjet e fundit nuk janë parë që nga nëntori 2021.

Rritja e fundit e vlerës vjen përpara ngjarjes së ardhshme të “përgjysmimit” të çmimit të bitcoinit, që vjen në prill, ku numri i bitcoin-ëve të rinj që hyjnë në treg do të ulet përgjithmonë me 50%.

Ky proces është krijuar për të ngadalësuar lëshimin e bitcoinit, furnizimi i të cilit është i kufizuar në 21 milionë tokena – nga të cilat 19 milionë veçse janë krijuar.

Rreth 900 bitcoin të rinj krijohen çdo ditë, por kjo duhet të reduktohet në 450.